Tableta de chocolate branco

Eramos tres, un rapaz, unha rapaza e eu, estamos indo nunha avioneta sobrevoando o polo norte sen ningunha roda na que apoiarse, nun sei en que aterramos pero ia caernos a noite e abandonamos o vehículo, e metémonos na auga, nadando atopamos un escóndite, un estraño refuxio, unha vez dentro quedamos impresionados do ben preparado que estaba, de inicio unha cousa que me sorprendeu foi o deseño das paredes, tiñan formas cadradas salientes como si foran tabletas de chocolate, daban unha sensación de relevo moi cómoda, o material recórdame o que se usa nas impresoras 3D.

Empezamos a camiñar polas diferentes habitacións, había unha impresionante, de varios metros de altura con escaleiras de caracol aderido a pedra na que se sostiña a caverna, estibemos un bo cacho discutindo de que podía ser este local, tamén desconfiabamos que tivera algún sistema de seguridade, esa noite non tiñamos outra opción pero non sabiamos con quen nos estabamos metendo. Cando estabamos a punto de durmir eles dous estaban xogando con uns pequenos ferriños montando figuriñas, unha que me chamou a atención tiña a forma de ese mítico animal prehistórico, un dos máis antigos fósiles do mundo, un animal acuático con concha e tentáculos.

É o día seguinte, estou na casa, saio a fora seguindo a vida normal, cando chego ao patio un home ben vestido achegase falándome, entón dime que non debería entrar en sitios descoñecidos sen permiso, despois dime que coas cámaras descubriron a nosa incursión no seu santuario, este home viña no nome dunha asociación de autores que teñen ese local como centro de inspiración, finalmente déixame claro que non comente a ninguén a existencia do lugar senón apareceran consecuencias.

FIN